Transcription
1
Reçue à Montélimar, le 19 novembre 1573.
2
Monsieur de Gordes, vous verrez par les lettres patentes que
3
le roy monseigneur ma addressées, lesquelles je vous envoye,
4
son intention estre ne sortir aucuns bledz et grains hors de son
5
royaulme pour la grande necessité qui sen est desjà trouvée parmy
6
son peuple, voullant que à ceste fin elles soient publyées
7
par tous les lieux et endroictz dicelluy à ce que aucun
8
nen pretande cause dignorer ce que vous ferez en mon
9
gouvernement, de manière que le voulloir de sa majesté soit suivy ;
10
à quoy masseurant vous satisferez ; je prieray Dieu vous
11
donner, monsieur de Gordes, ce que plus desirez. De
12
champigny, ce Vme jour de novembre 1573.
13
Votre entièrement meilleur
14
Amy
15
Francois de bourbon